Nehanda seGambakadzi rezveChinamato neKutongwa kweNyika: Dzidzo yeSimba neKurudziro yake muZimbabwe kusvika kuma1950

Nehanda como Heroína da Religião e da Construção do Estado: A Educação de Simba e a Inspiração Dela no Zimbábue até a Década de 1950

Abstract

Chinyorwa chino chinoongorora kukosha kwetsika nemagariro pamwe nematongerwo enyika maringe negambakadzi remuZimbabwe rine mukurumbira zvakanyanya, Nehanda, chakanangana nemarukirwo enhoroondo yegambakadzi iri nevauyi vechiBhiritishi pamwe nezvizvarwa zvemuZimbabwe zvine madzinza ane midzi munyika iyi, kubva mukuzvarwa kwaNehanda kusvika makore kuma1950. Richinyanyozikanwa nekudaidzwa nezita rerudo neruremekedzo rekuti Ambuya Nehanda, gambakadzi iri ndiro rine mukurumbira wakanyanya munyika yeZimbabwe. Munguva yataurwa iyi, chinyorwa chino chine chishuwo chokuongorora masimba nekurudziro yaNehanda kuvanhu. Munguva iyo nyika isati yapambwa nevarungu, chinangwa chechinyorwa chino ndechokuongorora kuti vaShona vaipa masimba ematongerwo enyika neezvitendero kuvanhukadzi vane hanzvadzi dzavo dziri muumambo. Munguva iyo Zimbabwe ichipambwa nevachena, chinyorwa chino chine vavariro yekuongorora basa rakaitwa negambakadzi iri mukukokorodza varwi vevaShona kuti varwise upambevhu hwemaBhiritishi ayo ainge auya muZimbabwe uye nemukufamba kwenguva vavariro yakashaya yehurumende yevachena yekuedza kusvibisa zita raNehanda pamwe nekushora masimba egambakadzi iri. Chinonyorwa chino chinoshandisa nzira dzetsvagurudzo dzine chokuita nemafungiro evanhu, unhu hwavo nezvanosangana nazvo munhoroondo dzemagariro avo dzinosanganisira ongororo yezvinyorwa zvemaatikoro, mabhuku nemapepanhau nezvimwe zvinowanikwa mumaakaivhi nemaraibhurari zviri maringe negambakadzi remukurumbira iri. Maringe neurongwa hwepfungwa dzinotsanangura maonero emamiriro ezvinhu, chinoshandisa pfungwa yeAfrikaonero.  Maonero aya anokoshesa kushandisa mazano akadzama enhoroondo netsika dzemuAfrika muongororo ine chokuita neAfrika, naizvozvo ichidzivirira nyaya dzechinyorwa chino kusandurudzwa kwenhoroondo netsika dzemuAfrika nekuda kwemaonero ekuMadokero. Izvi zvinoita kuti tiise magamba eAfrika panzvimbo dzaanokodzera idzo dzaanopembedzwa munyika dzemadzitateguru awo. Pfungwa huru yeatikoro ino ndeyokuti gambakadzi Nehanda rinotipa gwara rekunzwisisa kwete chete mamiriro emawadzanirano evakadzi nevarume pamwe nezveutongi munyika varungu vasati vapamba nyika ino, asi zvekare mashandisirwo enzira dzekudzikisa chimiro chemagamba emuAfrika senzira yevarungu yekudzvanyirira vanhu vavakapamba.

******

Este artigo examina o significado cultural, social e político da heroína mais famosa do Zimbábue, Nehanda, concentrando-se em como a história dessa heroína foi construída tanto pelos britânicos quanto pelos zimbabuanos nativos, desde o nascimento de Nehanda até a década de 1950. Popularmente conhecida e carinhosamente chamada de Ambuya Nehanda, ela é a heroína mais célebre do Zimbábue. O artigo busca analisar o poder e a influência de Nehanda sobre a população. No que diz respeito ao período pré-colonial, o objetivo é examinar como o povo Shona conferia poder político e religioso a mulheres cujas irmãs ocupavam posições no reino. Quanto ao período colonial no Zimbábue, o artigo analisa o papel desempenhado por essa heroína na mobilização de combatentes Shona contra os britânicos que haviam chegado ao país, bem como a tentativa fracassada do governo branco de manchar a reputação de Nehanda e criticar seu poder. A metodologia empregada baseia-se na análise de pensamentos, personalidades e experiências inseridas em contextos de história social, incluindo o estudo de artigos, livros, jornais e outros materiais de arquivos e bibliotecas relacionados a essa famosa heroína. A estrutura conceitual que fundamenta a análise baseia-se na perspectiva africana. Essa abordagem enfatiza o uso de conceitos profundos da história e da cultura africanas no estudo da África, protegendo assim os temas abordados neste artigo de distorções causadas por perspectivas ocidentais. Isso nos permite situar os heróis africanos no lugar de destaque que merecem nas terras de seus ancestrais. A ideia central deste artigo é que a heroína Nehanda oferece uma referência para compreender não apenas a dinâmica das relações de gênero e da governança no mundo pré-colonial, mas também o uso de métodos desumanizadores para retratar heróis africanos como um meio de opressão utilizado pelos brancos contra os povos oprimidos.